الحل فى لبس الطاقية
الحل فى لبس الطاقية
ســالـت فـيـلـســـوف انــأ مش
عــارف راسـى من رجـلـيـه
قــال الـحــل بـســيـط جـــــــدا
الـبس عـلـى راسـك طاقـية
قـلـت لـه فـيـن هـيـه راســـــى
يـاريـت تـقـول لى فين هيــه
قال الجزء اللـى فوق يبقى راسك
قلت يبقى اللى تحت رجليه
فـرحـت وقـلـت لـه اول مــرة
اعـرف راسـى مـن رجليـة
ســالـتـه فـى حـالـة الشـقـلبــاظ
تـقـدر تـقـول لى فين اديـه
قـال الـفـرق بين اديـك ورجليـك
غير واضحة معالمهم شوية
احنا دلوقى بنمشى على الاربعة
ويـمـكـن تـطـلـع لـنـا ليــة
الزمن ده م عادشى زمن خيـر
بقى زمن فـتـوة وبلطجية
الزمن ده الكبير بيقتل الصغيـر
والـمـقـتـول ما لوش ديـة
الـفـقـيـر يـشـرب مـن الـبـحــر
والغنى عنده الف حنفيــة
الـفـقـيـر يـركـب عـربـيـة كارو
والغـنى عنده الف عربيـة
الناس بتفكر برجليها والدليــل
كرة القدم القوية المفترية
اما الفيلسوف والعالم والمفكـر
حالتهم فى الوطن منسـية
مشكلتى انى ماشى على راسى
وتــاهــت مـنـى رجـلـيـة
وبـدرس الـعـلـم بـالـشـقـلــوب
بمناهج مضروبة واثريــة
0 تعليقات:
إرسال تعليق
الاشتراك في تعليقات الرسالة [Atom]
<< الصفحة الرئيسية